المناصب- قصيدة بقلم يوسف فضول -البقيعة

المناصب مش طريقة للحقيقة .

اذا بتزينها نفوس .... الخليقة

بميازين ... العدالة .. وبالمقدر

والاستبصر قبل نار الحريقة

وتوضح مقصدي ويظهر الجوهر

بجوهر كلمتي الحرة الطليقة

اسمعوني بمنطق السامع الاخبر ...

لانكن روح فلسفتي ...الغميقة

صار القائد يقرر.......... ويظهر

النا بمظهر العايش... بضيقة

كأنو مع قرارو ظل.... يسهر

لحتى طلعت الشمس ببريقا

وطلع الحكم مستعمر استعمر

حياة الناس ملكو بالوثيقة

ما همه الشعب عم يصرخ استنكر

همه يزول همه..... بالدقيقة

وهمه يا شعب ... الله اكبر

قصر ومملكة ومال وعشيقة

وين العدل يا شعب الموقر

وين هيي الاحاسيس الرقيقة

صار المال بالاجمال اطهر

من العفة من الروح الانيقة

ورجالات العمالة عم بتكبر

على الاخضر وعم بتدلع بريقا

على الفلاح ع حلة البيدر

على تاريخ امتنا العريقة

وكل ما من الشعب انسان فكر

طلع سجان من خلف الحديقة

وكل ما من الغرب مسؤول قرر

طلع (مسؤول ) يخطب والزعامة....

بتجي وبتروح بنفس الطريقة ....