في رثاء المرحوم ابو اسعد- اليف حداد من رانية وجورج خوري- فسوطة

في رثاء المرحوم ابو اسعد- اليف حداد

من رانية وجورج خوري- فسوطة

المرحوم خال الزوجة رانية

يا ابو اسعد يا غالي

ما تخيلت شوفك بهالحالي

بعرفك يوم اللي كنت جبار وذاكر اول يوم ناديتك يا خالي

ومهما كان في فرق بالاعمار كنت بالنسبة الي الشخص المثالي

اللي حبيت مثلة كون بالافكار واوصل مثل ما وصلت للعالي

ولليوم بعدني محتار في شخص حارب الاقدار وغير الحالي

وحط الاساس وبنى هالدار للعيلة اللي فيها حقق حلم الليالي

يا ابو اسعد وين رايح لابو نضال حسيت انة كتير طول المشوار

كنتم ما تفترقوا بكل هالاحوال ويضل عندكم شوق ليل نهار

ايدك بايدو تحققوا الامال وعازؤكم وبجهدكم كل شي صار

وما في حدا من حولكم الا وقال انتم مثال الاخوة ومصدر الاعمار

والعيلة اللي آخر يوم بتشوفك ها تشكرك على معروفك

والكل بدو يقول ممنونك

وخسارة عيون الزرق اللي كانو بلمعوا بعيون

غمضتهم وعليهم طبقوا جفونك

وغابت الشمس اللي كانت ساطعة بوجودك

طمن يا ابو اسعد تحققوا وعودك وما ضاع عمرك ولا مجهودك

وتركت من بعدك رجال بتصونك وبتحافظ على اسمك وعلى عهودك

الله يرحمك يا حنون اللي كنت على الكل بتمون

غيابك ما رح بيكون

الا جسد تحت الارض مدفون

لانك بقلب الكل مرسوم بيذكروك بكل دقة بدقاتو

وصوتك وشعرك اللي كان مفهوم

كله عبر في كل كلمة بكلماتو

تأكد يا كبير انه رح بيدوم

مجدك بوجود الجسد او في مماتو

ممكن يسير الجسد مرحوم بس الاسم باقي بنبراتو

الله يرحمك يا غالي ويرحم ترابك وحولك تجمعوا كل احبابك

رح منقرى اخر سطر بكتابك بس رح بيظل كل العمر بغيابك

انت الاصل واول مدماك تعمر كان مدماكك وعليه تعمروا الباقي تعليت فتحة عتابك

واول ما نوصل على دارك منقشع صورتك مطبوعة على بابك

بتخلص سنين ايامك وبتبكي العين على فراقك

الله يرحمك يا خالي